Ատրպէյճանի զինուած ուժերը պէտք է անյապաղ դադրեցնեն իրենց մահաբեր յարձակումները Հայաստանի տարածքին վրայ եւ հաւատարիմ մնան ԵՄ-ի, ԱՄՆ-ի եւ Ռուսիոյ կողմէ աջակցուող խաղաղ գործընթացին։ Ատրպէյճանի եւ Հայաստանի յարաբերութիւնները պէտք է ընթանան դիւանագիտական եւ բանակցային ճանապարհով, ոչ թէ հրետանի եւ անօդաչու թռչող սարքերու հարուածներու միջոցով, յայտարարած է «Freedom House»ի նախագահ Մայքլ Ապրամովիչ: «Հայաստանի եւ Ատրպէյճանի ժողովուրդներն արժանի են խաղաղութեան եւ անվտանգութեան։ Մենք կոչ կ’ուղղենք ԱՄՆ կառավարութեան,  ժողովրդավար երկիրներուն եւ միջազգային կազմակերպութիւններուն անյապաղ հրադադարի կոչով հանդէս գալ: Մենք կ’ողջունենք Ֆրանսայի նախագահ Մաքրոնի՝ ՄԱԿ-ի անվտանգութեան խորհուրդին մէջ քննարկումներ իրականացնելու յանձնառութիւնը»,- ըսած է ան՝ կոչ ուղղելով երկիրներուն լրացուցիչ քայլեր ձեռնարկել Հայաստանի տարածքային ամբողջականութիւնը պաշտպանելու համար։

Զաւթիչ Ատրպէյճանը կրնան զսպել միջազգային հանրութեան յստակ ուղերձները, ինչպիսիք էին ԱՄՆ-ի, Ֆրանսայի, Իրանի, Յունաստանի եւ բազամթիւ այլ երկիրներու կողմէ հնչեցուած դատապարտող յայտարարութիւնները, ուր Ատրպէյճանը կը ճանչնան որպէս խռովարար։