Ոչ մէկ հանգամանք կրնայ մեզ շեղել մեր ընտրած ճանապարհէն՝ Արցախի ժողովուրդի ինքնորոշման իրաւունքի առաջնահերթ ու անսակարկելի հիմքով Արցախի Հանրապետութեան անկախութեան միջազգային ճանաչումէն: 

Այս հարցին շուրջ  «Ֆէյսպուք»ի իր էջին  կատարած գրառման մէջ նշած է  Արցախի Հանրապետութեան նախագահ Արայիկ Յարութիւնեան: «Սիրելի՛ հայրենակիցներ, Արցախը չի կրնար եւ պէտք չէ ըլլայ Ատրպէյճանի կազմին մէջ, քանի որ, նախ, Արցախի ժողովուրդը կ’որոշէ իր սեփական ճակատագիրը սեփական հայրենիքին մէջ, եւ, երկրորդ, մենք ցեղասպանութեան ու հայրենազրկման ենթարկելու ժողովուրդ  չունինք: Մենք բազմիցս յայտարարած ենք ու հիմա ալ կը վերահաստատենք, որ մեզի համար անընդունելի են բոլոր այն փաստաթուղթերը, որոնք կրնան Արցախը ճանչնալ Ատրպէյճանի կազմին մէջ: Միւս կողմէ, պէտք է բոլորս գիտակցինք, որ այս դժուարին իրավիճակին մէջ մեր պայքարի ուղին երկար է եւ լի մարտահրաւէրներով, սակայն, վստահ եմ, որ համազգային ջանքերով մենք ի վերջոյ պիտի հասնինք մեր նպատակներուն», ըսուած է գրառման մէջ:

Արեւմտեան Հայաստանը բազմիցս յայտնած է, որ Արցախը  ընդհանուր Հայաստան պետութեան մէկ մասն է, որ բնակեցուած է հայերով, որոնք դարեր շարունակ եղած են տեղի բնիկները։ Արեւմտեան Հայաստանը կը շարունակէ իր կապերն օգտագործել, միջազգային հանրութեան տեղեակ պահելու ներկայ իրադրութեան վերաբերեալ, ընդգծելով Ատրպէյճանի կողմէ ծաւալուող պատերազմական յարձակումը ՀՀ սահմաններուն վրայ։