Գերմանահայկական ընկերակցութիւնն իր ֆէյսպուքեան էջին անդրադարձած է Ֆրանկֆուրտի հնագիտական թանգարանին մէջ Ուրարտական ցուցանմոյշներու հետ կապուած շփոթութիւն առաջացնող հարցերուն, եւ ներկայացուցած թանգարանի ղեկավարութեան պատասխանը, որուն դիմած էր Գերմանահայկական ընկերակցութիւնը, քանի որ ցուցադրութեան մէջ Ուրարտուն ներկայացուած էր Ատրպէյճան անուան տակ։

Արդէն ստացուած է թանգարանի վարիչ տնօրէն դոկտոր Ուոլֆկանկ Տէյվիտի պատասխան կարծիքը, որ ան ուղարկած է Գերմանահայկական ընկերակցութեան։ 

«Մենք շատ կը ցաւինք, որ ձեզ բարկացուցած է ցուցանմոյշներու ցուցադրումը եւ անոնց պիտակաւորումը մեր ցուցափեղկերէն մեկուն մէջ: «Ուրարտուի կայսրութիւնը քանի մը նահանգային տարածքներ գրաւած է, ինչպէս դուք կը գրէք: Մեր ցուցահանդէսի կտորները, սակայն, կը վերաբերին ներկայիս Իրանի նահանգի Ուրմիոյ լիճի շրջակայքը գտնուած վայրերուն: Հետեւաբար, ցուցափեղկի պիտակաւորումը յանգեցուցած է որոշ թիւրիմացութիւններու:

Մեր աշխատանքային ցուցահանդէսը 1980-ականներու վերջէն սկսած ժամանակաշրջանին ստեղծուած է: Ցաւօք, այն ժամանակուընէ թարմացուած չէ: Բայց ենթադրելի է, որ մօտ ապագային պիտի թարմացուի եւ այս առումով մենք անպայման փոփոխութիւններ պիտի կատարենք, այն նաեւ պիտի ազդէ քարտէզին վրայ:

Կը խնդրենք Ձեզ ըմբռնէք, որ մեզի ժամանակ պէտք է թանգարանի բոլոր սրահներուն համար ամբողջական համապատկեր մշակելու համար: Այս ընթացքին հեռացուցած ենք ցուցափեղկի վրայի «Ատրպէյճան» ձեւակերպումը, որ այս պարագային առնչութիւն ունի Իրանի հիւսիս-արեւմտեան գաւառի ցուցանմոյշներու ծագման հետ։ Անգամ մը եւս պիտի ստուգենք գրառումերը»:

Արեւմտեան Հայաստանը այս հարցին շուրջ դիմած էր միջազգային հանրութեան, որ իր յստակ արդիւնքը տուաւ։ Ատրպէյճանի նման արհեստածին պետութիւնը կը փորձէ իրեն համար պատմութիւն ստեղծել, իրեն վերագրելով հայկական ծագումը։

https://www.deutscharmenischegesellschaft.de

Ամբողջական պատասխանին գերմաներէնով կրնաք ծանօթանալ այստեղ՝ 

Was hat Urartu mit Aserbaidschan zu tun? (deutscharmenischegesellschaft.de)