Ռոմանիոյ մէջ աւարտին մօտեցող ճատրակի աղջիկներու մինչեւ 18 տարեկաններու աշխարհի առաջնութեան նախավերջին՝ 10-րդ հանգրուանին, Հայաստանի գործող ախոյեան Մարիամ Մկրտչեան սեւ խաղաքարերով մրցած է Լեհաստանի ներկայացուցիչ Մարթինա Վիքարի հետ եւ յաղթանակ տարած՝ ժամանակէն շուտ ապահովելով աշխարհի ախոյեանի կոչումը: Այս լուրը յայտնած են ՀՀ Կրթութեան, գիտութեան, մշակոյթի եւ մարմնակրթութեան լրատուական ծառայութենէն։ Մարիամ Մկրտչեան 10 հանգրուաններուն ալ յաղթած է եւ 10 միաւոր ունի: Առաջնութեան աւարտին 1 հանգրուան մնացած է: Հայաստան մրցաշարին ներկայացուած է 12 խաղացողով, որոնք հանդէս կու գան մինչեւ 14, 16 եւ մինչեւ 18 տարեկաններու խումբերուն մէջ:   Աշխարհի պատանեկան առաջնութիւնը պիտի աւարտի Սեպտեմբերի 17-ին: 

Արեւմտեան Հայաստանը կը շնորհաւորէ ախոյեանը, հայ ժողովուրդի անունը բարձր պահելուն համար։

Leave a Reply