ՄԱԿ-ի մէջ ՀՀ մշտական ներկայացուցիչ Մհեր Մարգարեան ՄԱԿ-ի անվտանգութեան խորհուրդի հրատապ նիստին յորդորեց ՄԱԿ-ին տէր կանգնիլ միջազգային խաղաղութեան եւ անվտանգութեան պահպանման իր պատասխանատւութեան՝ պահանջելով Ատրպէյճանէն անյապաղ դուրս բերելու իր ուժերը Հայաստանի Հանրապետութեան ինքնիշխան տարածքէն:

Մարգարեան իր ելոյթին մէջ ըսաւ. «Մենք կը դիմենք Խորհուրդին՝ ՄԱԿ-ի կանոնադրութեան համաձայն տէր կանգնելու իր պատասխանատւութեան՝ միջազգային խաղաղութեան եւ անվտանգութեան պահպանման համար: Ատրպէյճան դեռ պէտք է պահպանէ իր մարդասիրական պարտաւորութիւնները՝ հայ ռազմագերիներուն նկատմամբ, բարեխղճօրէն պարտաւորուի պահպանել հայկական մշակութային եւ կրօնական ժառանգութիւնը…»:

Ապա ներկայացուցիչը աւելցուց՝ Հայաստանը խստօրէն կը յորդորէ Անվտանգութեան խորհուրդի անդամներուն ներգրաւուած ըլլալ այդ հարցով եւ հրատապ նիստի արդիւնքով շօշափելի արդիւնքներու հասնիլ։

Աւելցնենք, որ Արեւմտեան Հայաստանի ԱԳ նախարար Լիտիա Մարկոսեան նոյնպէս դիմած էր ՄԱԿ-ին, որուն պատասխանը շատ յստակ էր։ Այնուհետեւ ՄԱԿ-ի մէջ  Իրանի, Հնդկաստանի, Ֆրանսայի եւ քանի մը այլ երկիրներու ներկայացուցիչներ հնչեցուցին յստակ գնահատականներ, որոնք ի շահ Հայաստանին էին։

Leave a Reply