ՀՀ ԱԳ նախարար Արարատ Միրզոեան հեռախօսազրոյց ունեցած է Մեծ Բրիտանիոյ եւ Հիւսիսային Իրլանտիոյ Միացեալ Թագաւորութեան արտաքին գործոց, համագործակցութեան եւ զարգացման նախարարութեան Եւրոպայի հարցերով պետական նախարար Լէօ Տոքերթիի հետ եւ  ներկայացուցած է Ատրպէյճանի կողմէ Հայաստանի ինքնիշխան տարածքի նկատմամբ սանձազերծուած լայնածաւալ յարձակման հետեւանքով ստեղծուած իրավիճակը: Առանձնայատուկ ընդգծուած է, որ Ատրպէյճան միտումնաւոր կերպով կը թիրախաւորէ խաղաղ բնակչութիւնը եւ քաղաքացիական ենթակառուցուածքները, որ միջազգային իրաւունքի կոպտագոյն խախտում է։

«ՀՀ արտաքին քաղաքական գերատեսչութեան ղեկավարը շեշտած է կողմերուն միջեւ հաւասարութեան նշան դնող հյայտարարութիւններու անընդունելիութիւնը եւ միջազգային հանրութեան, այդ թուին՝ Միացեալ Թագաւորութեան կողմէ Ատրպէյճանի յարձակման յստակ, միանշանակ ու հասցէական դատապարտման կարեւորութիւնը»,-  նշուած է հաղորդագրութեան մէջ:

Ըստ աղբիւրին, նախարար Միրզոյեան աւելցուցած է, որ Ատրպէյճան ուժի միջոցով իր առաւելապաշտական նպատակներուն հասնելու փորձերով կ’ոտնահարէ տարածաշրջանին մէջ կայունութեան եւ խաղաղութիւն հաստատելու հայկական կողմի ջանքերը: