Պունտէսթակի արտաքին յարաբերութիւններու յանձնաժողովի նախագահ Միխայէլ Ռոթ դատապարտած է Ատրպէյճանի յարձակումը Հայաստանի տարածքներուն վրայ:

 Միխայէլ Ռոթ յայտարարութիւն տարածած է, ոուր նշուած է.

«Լաւ է, որ ԱՄՆ-ի եւ ԵՄ-ի բանակցային ջանքերուն շնորհիւ հաստատուեցաւ հրադադար: Կը դատապարտեմ Ատրպէյճանի յարձակումը Հայաստանի պետական տարածքներուն վրայ: Տասնամեակներ տեւող այս հակամարտութիւնը ոչ թէ զէնքի ուժով, այլ խաղաղարար բանակցութիւններու միջոցով պէտք է լուծուի: Ակնյայտօրէն Ատրպէյճան, օգտուելով Ռուսիոյ թուլութենէն, կը փորձէ իր տարածքային հետաքրքրութիւնները առաջ մղել: Մենք պէտք չէ Հայաստանը ձգենք Ռուսիոյ յոյսին: ԵՄ-ը պէտք է ստանձնէ առաջնորդի դերակատարութիւն խաղաղութեան հաստատման գործին մէջ եւ աջակցի Հայաստանի ժողովրդավարութեան»:

Արեւմտեան Հայաստանը դրական կը գնահատէ Պունտէսթակի պատգամաւորին յայտարարութիւնը եւ գնահատելով տուեալ իրավիճակը, կոչ կ’ուղղենք Եւրոպական միւս երկիրներուն նոյնպէս հանդէս գալ յայտարարութիւններով, որոնք իրական հիմքեր պիտի ստեղծեն զսպիչ մեխանիզմ հանդիսանալով զաւթիչ Ատրպէյճանի եւ Թուրքիոյ համար։

Leave a Reply