Տիգրիսի հովիտը ԵՈՒՆԷՍՔՕ-ի ժառանգութեան ցուցակին մէջ ներառելու աշխատանքները երկար ժամանակէ ի վեր ընթացքի մէջ են։ Հակառակ անոր, շրջակայ միջավայրի եւ քաղաքաշինութեան նախարարութիւնը Օգոստոսի 23-ին Սիլվանի կամուրջին եւ Տիգրանակերտի պատմական 10-ակնանի կամուրջին միջեւ ինկած Տիգրիսի հովիտը յայտարարած է «բնակարանաշինարարութեան համար նախատեսուած տարածք»:

Նշենք, որ այստեղ կը տարածուին 8000-ամեայ Հեւսելի այգիները։ 

Հեւսելի այգիները որպէս բնակատարածք ծառայեցնելու եւ Տիգրիս գետին մէջ ելեկտրակայան կառուցելու նախագիծերը  բողոքի մեծ ալիք առաջացուցած են  բնակչութեան եւ որոշ պաշտօնեաներու մօտ։ Այս առումով «Միջագետքի բնապահպանական շարժում» կազմակերպութիւնը  երթով բողոքի ցոյց պիտի կազմակերպէ։ Տիգրանակերտի քաղաքապետ Օսման Պայտեմիր իր հերթին պիտի հանդիպի նախարարութեան պաշտօնեաներուն հետ։ Դրական արձագանգ չստանալու պատագային պիտի ձեռնարկուին իրաւական ​​միջոցներ։

Տիգրանակերտի հարաւ-արեւմուտքը՝ Տիգրիսի հովիտին շէջ գտնուող 700 հա տարածք զբաղեցնող Հեւսելի այգիները՝ իրենց բուսականութեամբ ու գեղեցկութեամբ կը հանդիսանան քաղաքի «թոքերը» եւ խորհրդանիշը:

Փաստօրէն, Հեւսելի այգիները, Տիգրիսի հովիտը եւ 10-ակնանի կամուրջի շրջակայքը յայտնուած են թակարդի մէջ եւ կը տնօրինուին  որպէս անձնական սեփականութիւն։

Leave a Reply