Հայաստանի մէջ Սեպտեմբերի 28-ին Սունդուկեան թատրոնի նախաձեռնութեամբ տեղի պիտի ունենայ թատերական պաստառներու միջազգային մրցոյթ-փառատօն։ Փառատօնին պիտի մասնակցի 177 արուեստագէտ՝ 29 երկրէ, պիտի ցուցադրուի 406 աշխատանք։

«Այս մէկը երբեք չլսուած արդիւնք է, երբ որեւէ կառոյց, կազմակերպութիւն կը նախաձեռնէ միջազգային  փառատօն, որուն այսպիսի մասնակցութիւն կը գրանցուի: Ու մենք անոր հասանք»․ ըսած է Սունդուկեան թատրոնի տնօրէն Վարդան Մկրտչեան։

Մրցոյթին մասնակցող աշխատանքները պիտի գնահատէ Ֆրանսայէն, Իրանէն, Ռուսիայէն ժամանած միջազգային յանձնաժողովը։ Փառատօնի ոչ մրցութային հարթակին վրայ պիտի ներկայացուին նաեւ ազգային ակադեմիական թատրոնի 100 տարիներու լաւագոյն պաստառները։