ՀՀ Պաշտպանութեան նախարար Սուրէն Պապիկեան Սեպտեմբերի 18-ին ընդունած է պաշտօնական այցով Հայաստան ժամանած ԱՄՆ Քոնկրէսի Ներկայացուցիչներու պալատի խօսնակ Նենսի Փելոսիի գլխաւորած պատուիրակութիւնը:

Այս  լուրը յայտնեցին ՀՀ Պաշտպանութեան նախարարութեան տեղեկատւութեան  եւ հասարակայնութեան հետ կապերու վարչութենէն։

Սուրէն Պապիկեան շնորհակալութիւն յայտնած  է Նենսի Փելոսիին իրավիճակին արագ արձագանգելուն, Հայաստան այցելելուն, Սեպտեմբերի 13-ին ՀՀ ինքնիշխան տարածքին նկատմամբ ատրպէյճանական լայնածաւալ ռազմական յարձակման վերաբերեալ հասցէական գնահատականներ հնչեցնելուն համար:

Պաշտպանութեան նախարարը ԱՄՆ Քոնկրէսի Ներկայացուցիչներու պալատի խօսնակ Նենսի Փելոսիին ներկայացուցած է ատրպէյճանական լայնածաւալ ռազմական յարձակման հետեւանքով ստեղծուած իրադրութիւնը:

Նենսի Փելոսի իր խօսքին մէջ ներկայացուցած է իրավիճակին վերաբերեալ ԱՄՆ դիրքորոշումը:

Հանդիպման ընթացքին քննարկուած են նաեւ պաշտպանական ոլորտին մէջ երկու երկիրներու համագործակցութեան առնչուող  շարք մը հարցեր:

Արեւմտեան Հայաստանը կարեւոր կը համարէ ՀՀ-ի անվտանգային հարցերու քննարկումը նման բարձր մակարդակի վրայ, աւելցնելով, որ այս հարցերը պէտք է լուծուին առաւելապէս դիւանագիտական ճանապարհով, միաժամանակ հզօրացնելով եւ զինելով բանակը։