Այսօրուան բառապաշարով կը նշանակէ, որ այսօր գիտնականներու յիշատակման եւ մեծարման օրն է: 

Իրականութեան մէջ, ՄՈԳ գիտնական կը նշանակէ, բայց ցաւօք քրիստոնեաներու ներխուժումէն ետք եկեղեցին աղաւաղեց մոգի իրական էութիւնն ու իմաստը եւ յետոյ դիւրութեամբ կոտորեց մեծ մասը: Այդ շատ լուրջ վնաս հասցուց ազգին, որովհետեւ գլխաւորաբար մոգերը կը  զբաղէին բժշկութեամբ, թուաբանութեամբ, քիմիայով ու ֆիզիկայով, մէկ խօսքով խորացած գիտութեամբ, զորս կոտորելով ազգը զրկուեցաւ իր գիտութենէն: Թշնամին միշտ այդպէս կը գործէ, ինչպէս եղաւ ցեղասպանութեան ժամանակ հայ մտաւորականները կոտորելու փաստը: Հետեւաբար եկէք նախ յիշենք եւ մեծարենք ազգի իմաստուն մոգերու յիշատակը, որոնք հարուստ ժառանգութիւն ձգեցին մեզի, եւ միեւնոյն ժամանակ մեծարենք այսօրուան գիտնականներն ու կարեւորենք անոնց կատարած մեծ գործը: Հայկազուններու հաւատամքն ու ուսմունքը հիմնուած է գիտութեան ու ոչ վերացական հեքիաթներու եւ առասպելներու վրայ: Ցավւօք այսօր ալ կան ոմանք, որոնք ազգայինի անուան տակ կրկին վերացական հեքիաթներով կը խաբեն ազգը եւ որովհետեւ իրենք գիտութենէ զուրկ են, ազգն ալ կը տանին այն ճանապարհով, որ գոնէ գիտական հիմքեր չունին:

Դարերու ընթացքին Հայկազուն Արեւորդիները հաւատարիմ մնալով Նահապետերու հորդորներուն, կեդրոնացուցին մոգաց դպրոցները, որ այսօր յայտնի է «ԱՐԱՄԱԳԻ» մոգաց դպրոց անունով: Դպրոցի պատմութեան մասին կարդացէք  յղումներով:

 Շնորհաւոր Մոգաց յիշատակման օրը, յատկապէս այսօր «ԱՐԱՄԱԳԻ» մոգաց դպրոցի հարիւրաւոր ուսանողներուն, որոնք վառ կը պահեն իրենց նախնեաց գիտութիւնը:   

Հ.Գ. «ԱՐԱՄԱԳԻ» մոգաց դպրոցի 6-րդ խումբը իր դասերը պիտի սկսի Սեպ.23-ին: Ցանկացողները իրենց դիմումները ուղարկեն նամակով, որմէ ետք ընդունելութեան կարգը պիտի անցնին:

 Հայկազուն Արեւորդիներու համայնքի Քրմաց Դաս 

ՔՈՒՐՄ ՅԱՐՈՒԹ ԱՌԱՔԵԼԵԱՆ