Նիւ Եորքի  մէջ աւարտին հասած է Միացեալ Նահանգներու Արտաքին գործոց նախարար  Էնթընի Պլինքընի, Հայաստանի Արտաքին գործոց նախարար Արարատ Միրզոյեանի եւ Ատրպէյճանի Արտաքին գործոց նախարար Ճէյհուն Պայրամովի եռակողմ հանդիպումը:

Հանդիպման մեկնարկին՝ լրագրողներու ներկայութեամբ, ուղերձով հանդէս եկած է միայն ԱՄՆ Արտաքին գործոց նախարարը:

Հայաստանի արտաքին գերատեսչութեան հաղորդագրութեան համաձայն, Արարատ Միրզոյեան ընդգծած է, որ ատրպէյճանական զինուած ուժերը պէտք է դուրս բերուին Հայաստանի տարածքէն: Ան յայտարարած է, որ ուժի կիրառումը, ինչպէս նաեւ անոր սպառնալիքն անընդունելի են: Միրզոյեանի խօսքով, իրավիճակի յետագայ սրումը կանխելու համար անհրաժեշտ է գործադրել միջազգային մեխանիզմներ։

Նախարարը կարեւորած է մարդասիրական խնդիրները, այդ թուին՝ ռազմագերիները շուտափոյթ հայրենադարձելու անհրաժեշտութիւնը:

Արեւմտեան Հայաստանի տեսակէտը մէկն է, թուրք-ատրպէյճանական դաշինքը պէտք է լքէ իր իսկ կողմէ զաւթուած  տարածքները, եւ բնիկ հայերը հնարաւորութիւն ունենան վերադառնալ իրենց հայրենիքը։ Արցախ եւ Արեւմտեան Հայաստան ապրող հայերը միայն այդ մէկը կրնան քնննարկել դիւանագիտական սեղանի վրայ, եւ ըստ անոր ներկայացնել այն ապացոյցները, որոնք այս բռնազաւթիչ երկու երկիրները՝ Թուրքիան եւ Ատրպէյճանը լիովին պիտի բացայայտեն միջազգային հանրութեան առջեւ։

Leave a Reply