Այսօր (Արեւելեան) Հայաստանի Հանրապետութեան անկախութեան տօնն է։ Անկախութեան տօնը Հայաստանի մէջ կը նշուի ամէն տարի Սեպտեմբերի 21-ին։ 

1990 թուականի Օգոստոսի 23-ին Հայաստանի գերագոյն խորհուրդը ընդունած է Արեւելեան Հայաստանի անկախութեան հռչակագիրը, ուր նշուած էր, որ Խորհրդային Հայաստանի Հանրապետութիւնը կը կազմալուծուի եւ կը ձեւաւորուի նոր պետութիւն՝ (Արեւելեան) Հայաստանի Հանրապետութիւնը։ 1991 թուականի Սեպտեմբերի 21-ին հայ ժողովուրդը անկախութեան հանրաքուէի ժամանակ կողմ քուէարկած է Խորհրդային միութեան կազմէն դուրս գալու օգտին։ (Արեւելեան) Հայաստանը լիակատար անկախութիւն ձեռք բերած է նոյն տարուան Դեկտեմբերի 26-ին՝ խորհրդային շարքերու կազմալուծման արդիւնքով։ 

Իւրաքանչիւր տարի մայրաքաղաք Երեւանի եւ (Արեւելեան) Հայաստանի բոլոր քաղաքներուն մէջ Սեպտեմբերի 21-ին կը կազմակերպուին տօնական միջոցառումներ, իսկ իւրաքանչիւր հինգ տարին մէկ Երեւանի Հանրապետութեան հրապարակին մէջ կը կազմակերպուի ռազմական շքերթ։ Այս տարի, սակայն, չեղարկուած են բոլոր տօնական միջոցառումները Ատրպէյճանի նախայարձակ գործողութիւններուն պատճառով ստեղծուած լարուած իրադրութեան պատճառով: 

Յիշեցնենք, որ Արեւմտեան Հայաստանի Հանրապետութեան անկախութիւնը ճանչցուած է 1920 թուականի Յունուարի 19-ին։

Leave a Reply