2022 թուականի Սեպտեմբերի 15-ին, Արժանթին բնակող «Արեւմտեան Հայաստանի եղբայրներ»ը Պուէնոս Այրէսի «Viejo Agump/Old Club»-ին մէջ կազմակերպած էին մեծարանքի երեկոյ՝ ի նշան յարգանքի իմ  շատ սիրելի հայ բանաստեղծ եւ գրող Ռայմոնտ Պէրպէրեանին։

Այս առթիւ հաւաքուած ներկաներէն մէկը ընթերցեց Պէրպէրեանի բանաստեղծութիւններէն մէկ քանին, որմէ ետք Արեւմտեան Հայաստանի Հանրապետութեան Ազգային խորհրդարանի արժանթինցի ներկայացուցիչին եւ Արժանթինի մէջ Արեւմտեան Հայաստանի գլխաւոր հիւպատոսին կողմէ անոր  յանձնուեցաւ «Հայաստանի պատուաւոր անդամ» վկայականը և քաղաքացութեան վկայական (հայկական անձը հաստատող փաստաթուղթ)։

Ռայմոնտ Պէրպէրեան տարիներ առաջ զիս ընդունած է որպէս  «Հերմանթօ/Փոքր եղբայր»։ Կը կարծեմ, որ անոր պատճառն այն է, որ ես անոր հրատարակութիւններուն հաւատարիմ աջակիցն ու երկրպագուն եմ, ինչպէս նաեւ՝ Շէյքսփիրի լեզուով անոր   քանի մը հրատարակութիւններուն նուիրեալ թարգմանիչն ու հրատարակիչը։ Ես ալ իմ կարգիս յարգանք  մատուցած եմ անոր՝ իմ ներկայութեամբս ու նուիրուածութեամբս:

Երկար կեանք քեզի՝ ՄԱԷՍԹՐՕ Ռայմոնտ Պէրպէրեան։

Կիլէրմօ Քարամանեան

Leave a Reply