Յունաստանի Աթթիքայի նահանգապետ Կիորկոս Փաթուլիս յայտարարութիւն տարածած է` խստագոյնս դատապարտելով Ատրպէյճանի յարձակումը Հայաստանի դէմ։

Յայտարարութեան հայերէն թարգմանութիւնը տեղ գտած է Յունաստանի մէջ Հայաստանի դեսպանութեան ֆէյսպուքի էջին, ուր մասնաւորապէս ըսուած  է․«Միջազգային իրաւունքի կանոններուն հանդէպ յարգանքը Հայաստանի եւ Ատրպէյճանի միջեւ վէճերու լուծման միակ ճանապարհն է։ Ես անձամբ որպէս Աթթիքայի մարզպետ, կը դատապարտեմ որեւէ բռնութիւն՝ անկախ անկէ, թէ ուրկէ կը բխի այն: Ատրպէյճանի նոր ներխուժումը Հայաստան՝ անոնց միջեւ պատերազմի աւարտէն եւ զինադադարի համաձայնագիրի ստորագրումէն ընդամէնը մէկ տարի անց, բացի հարիւրաւոր մարդկային կեանքերու անարդարացի կորուստէն, կը հանդիսանայ լրացուցիչ սպառնալիք մեր տարածաշրջանի բոլոր պետութիւններու անվտանգութեան։ Ամբողջ միջազգային հանրութիւնը, յատկապէս արեւմտեան աշխարհը եւ ԵՄ-ը, բայց նաեւ նախորդ հակամարտութեան հրադադարի համաձայնագիրին մէջ որպէս երաշխաւոր ստորագրած պետութիւնները, պէտք է դատապարտեն Ատրպէյճանի յարձակումը, գործնականօրէն կանգնին Հայաստանի կողքը եւ պարտադրեն յարգել միջազգային իրաւունքի կանոնները»:

Արեւմտեան Հայաստանը իր երախտագիտութիւնը կը յայտնէ յոյն ժողովուրդին այս կարեւոր պահուն ՀՀ-ին աջակցելուն համար։ Յիշեցնենք, որ Արեւմտեան Հայաստանի տարածքին տեղի բնիկներուն՝ հայերուն հետ ապրած են նաեւ յոյներ, որոնք նոյնպէս ցեղասպանութեան ենթարկուած են 1900-ական թուականներուն։