Հարկ է գիտակցիլ, որ բնակարանային, ենթակառուցուածքային եւ այլ նմանատիպ ընկերային-տնտեսական ծրագիրները կարեւոր են ժողովուրդի կենսագործունէութեան եւ կայուն ժողովրդագրական վիճակին համար բաւարար պայմաններ ապահովելու տեսանկիւնէ, իսկ ժողովրդագրութիւնը Արցախը հայկական պահելու կարեւորագոյն եւ երկարաժամկէտ անվտանգային ուղղութիւնն է:

Այս հարցին շուրջ տեսաուղերձի ընթացքին ըսած է Արցախի Հանրապետութեան նախագահ Արայիկ Յարութիւնեան՝ անդրադառնալով այն քննադատութիւններուն, թէ իշխանութիւնները անվտանգային խնդիրներու փոխարէն աւելի շատ զբաղած են ընկերային-տնտեսական խնդիրներու լուծմամբ:

«Ընկերային-տնտեսական բնոյթի աջակցութեան իրականացած եւ նախատեսուող ծրագիրները բազմաթիւ են, եւ անոոնց գլխաւոր նպատակը Արցախի մէջ կեանքի որոշ կայուն ու բարենպաստ պայմաններ ապահովելն է: Չէ՞ որ առանց այդ պայմաններուն հնարաւոր չէ պատկերացնել բաւարար ժողովրդագրական վիճակ, իսկ առանց բաւարար բնակչութեան հնարաւոր չէ հասնիլ Արցախի նախընտրելի ապագային»,- ըսած  է երկրի ղեկավարը:

Արեւմտեան Հայաստանը կը նշէ, որ Արցախը բնիկ հայկական տարածք է, ուր դարեր շարունակ անոր անառիկութեան շնորհիւ մշտապէս հայաբնակ եղած է։ Արցախ ապրող ժողովուրդը միայն կրնայ որոշել իր ճակատագիրը, եւ թուրք-ատրպէյճանական դաշինքը պէտք է հաշուի նստի անոր հետ։