Ճափոնի մէջ ՀՀ դեսպանութեան աջակցութեամբ Սեպտեմբերի 18-ին Ֆուքուշիմա նահանգի Մինամիայծու քաղաքին մէջ տեղի ունեցած է հայկական մշակոյթի փառատօն, որ նուիրուած եղած է Հայաստանի Հանրապետութեան անկախութեան օրուան, ինչպէս նաեւ ՀՀ եւ Ճապփոնի միջեւ դիւանագիտական յարաբերութիւններու հաստատման 30-ամեակին:

Փառատօնի ծիրին մէջ կայացած է հայ եւ ճափոնական փոխանակումներուն նուիրուած համերգ, ինչպէս նաեւ ներկայացուած են Հայաստանի պատմութեան, զբօսաշրջութեան եւ մշակոյթին վերաբերող տարբեր նիւթեր, Ճափոն ներկրուող հայկական ապրանքներ եւ այլն:

Միջոցառման աւարտէն ետք քաղաքապետարանին կողմէ կազմակերպուած ընդունելութեան ընթացքին ելոյթով հանդէս եկած է դեսպան Արեգ Յովհաննիսեան: ՀՀ դեսպանը նշած է, որ ս.թ. Սեպտեմբերի 12-էն 13-ը Ատրպէյճանի կողմէ ՀՀ-ի դէմ սանձազերծուած յարձակման պայմաններուն մէջ հաւանաբար նպատակայարմար էր յետաձգել միջոցառումը, սակայն, հաշուի առնելով, որ Ատրպէյճանի գործողութիւնները կը միտին վերացնել նաեւ հայկական մշակոյթը, վերոնշեալ փառատօնը անհրաժեշտ էր կազմակերպել՝ որպէս հակազդում Ատրպէյճանի յիշյալ մտադրութիւններուն եւ վերջինիս հայատեաց քաղաքականութեան:

Արեւմտեան Հայաստանը դրական կը գնահատէ Ճափոնի կողմէ կատարուող այս քայլը։

Leave a Reply