Եւրոպական խորհրդարանի պատգամաւոր Չինցիա Պոնֆրիսքօ․

Հայաստանի նկատմամբ Ատրպէյճանի յարձակման վերաբերեալ եւրոպական լռութիւնը, այս օրերու զինադադարէն ետք պէտք չէ դառնայ բախումներու ժամանակ կատարուածին մեղսակիցը նոյնպէս։ Ռազմաճակատէն մեզի կը հասնին հայ կին զինուորական ծառայողներու նկատմամբ բռնութիւններու եւ խոշտանգումներու ռազմական ծանր յանցագործութիւններու ցուցմունքներ, տեսանիւթեր եւ պատկերներ, որոնք անյապաղ պէտք է ճշդուին մեր հիմնարկներու քննչական յանձնաժողովներուն կողմէ։ Չեմ կարծեր, որ Եւրոպան կը ցանկանայ հայկական ժողովրդավարութիւնը գնահատել աւելի պակաս արժանի:

Նենսի Փելոսիի այցը Հայաստան՝ Ցեղասպանութեան յուշահամալիր, մեզի յստակ կերպով հասկցնել կու տայ, որ այս պարագային  նոյնպէս մեզի անհրաժեշտ է ճշմարտութիւնը յայտնելու քաջութիւն։ Հայաստանի հետ մեր յարաբերութիւնները քաղաքական եւ տնտեսական դաշտէն հեռու կ’երթան։ Արդարեւ, մենք կապուած ենք ընդհանուր մշակութային արմատներով, քրիստոնէութեան ակունքներուն, որոնց վրայ հիմնուած է մեր մտածողութիւնը, մեր պահանջը ունենալ աշխարհ մը, ուր բոլոր անհատներն ունին հաւասար արժանապատւութիւն:

Այդ իսկ պատճառով կը պահանջենք, որ Եւրոպական միութիւնը գտնէ դիւանագիտական ​​լուծում, որուն նպատակը պիտի ըլլայ բոլորին համար կայուն եւ տեւական խաղաղութիւնը: 

Արեւմտեան Հայաստանը կը կարծէ, որ Եւրոպական միութիւնը իր յստակ դերը պէտք է ունենայ այս եւ բազմաթիւ այլ խնդիրներու լուծման հարցին մէջ։ Պէտք է առաջնային հարց դառնայ մարդու իրաւունքներու խախտման վերաբերող որեւէ խնդիր։