Սեպտեմբերի 13-ին Ատրպէյճանի սանձազերծած յարձակման հետեւանքով զոհուած 36-ամեայ Անուշ Աբետեան երեք անչափահաս երեխայ ունի՝ 16 տարեկան դուստր եւ 15 ու 4 տարեկան որդիներ։ Անուշ ծնունդով Արմաւիր մարզի Մրգաշատ գիւղէն էր:

Ամուսնանալէն տարիներ անց ընտանիքին հետ տեղափոխուած էր Երեւան, իսկ մէկ տարի առաջ՝ Ջերմուկ։ Ճիշդ այդ ժամանակ ալ ծառայութեան անցած էր Զինուած ուժերուն մէջ՝ որպէս պայմանագրային զինուորական ծառայող, եւ կը ծառայէր Ջերմուկի զօրամասին մէջ։ 

«Հայկական ժամանակ»ը զրուցած է  զոհուած կին զինուորականին եղբօր՝ Գեղամ Աբետեանին հետ: Վերջինս ցաւով անդրադարձած է օրեր շարունակ տարածուող այն տեղեկութիւններուն, թէ թշնամիին կողմէ խոշտանգուած ու մասնատուած մարմինն իր քրոջ՝ Անուշ Աբետեանի մարմինն է: Գեղամ նշած է, որ այդ տեղեկութիւնները չեն համապատասխաներ իրականութեան:

«Այն սխալ տեղեկատւութիւն է, Անուշը «ԱՏԱՆ» ջոկատի դիպուկահար եղած է, ու իրենց հրամանատարութիւնը յայտարարած է, որ նման բան տեղի չէ ունեցած»,- ըսած է ան: Անոր եղբօր խօսքով՝ «Անուշ չէ ինկած թշնամիին ձեռքը, նան պատւով մահացած է»։

Եղբայրը նշած է, որ քրոջ անչափահաս երեխաներն առայժմ իր խնամքին ներքոյ են: Նաեւ պատմած է, որ Անուշ Ջերմուկ ապրելէ ետք  որոշած է զբաղիլ իր սիրելի զբաղմունքով, նպատակ ունէր բարձրագոյն զինուորական կրթութիւն ստանալ: 

Անուշ Աբետեան զոհուած է հերոսաբար՝ մինչեւ վերջ կատարելով իր սահմանադրական եւ ծառայողական պարտքը: Ան ինկած է արկի պայթումէ:

Leave a Reply