ԱՄՆ Արտաքին գործոց նախարար Էնթընի Պլինքըն Արեւելեան Հայաստանի Անկախութեան օրուան առթիւ շնորհաւորական ուղերձ յղած է։ Ուղերձին մէջ, մասնաւորապէս, ըսած է. 

«Ամերիկայի Միացեալ Նահանգներուն անունով լաւագոյն մաղթանքներս կը յղեմ Հայաստանի ժողովուրդին Անկախութեան տօնին առթիւ։ Խորհրդային Միութենէն իր անկախութիւնը հռչակելէ ետք՝ աւելի քան 30 տարի, մենք տեսած ենք Հայաստանի յանձնառութիւնը ժողովրդավարական արժէքներուն, ինչպէս նաեւ՝ երկրին մէջ մարդու իրաւունքներու, իրաւունքի գերակայութեան, տնտեսութեան եւ արդարադատութեան ոլորտի զարգացման ու ամրապնդման հարցերուն մէջ։ Հպարտ ենք գործակցիլ Հայաստանի հետ այս ոլորտներուն մէջ, որոնք կը մարմնաւորեն մեր ընդհանուր արժէքները։

Մենք պիտի շարունակենք աջակցիլ Հայաստանի ժողովուրդի ժողովրդավարական ձգտումներուն, ինքնիշխանութեան եւ անվտանգութեան։ Մենք կը գնահատենք տարածաշրջանին մէջ աւելի մեծ կայունութեան ապահովման ջանքերուն աջակցելու ձեր պատրաստակամութիւնը։

Կը ցաւակցինք վերջին յարձակումներուն տեղ գտած մարդկային կորուստներուն համար եւ կը փաստենք, որ մենք յանձնառու ենք աշխատիլ ձեր եւ միւս կողմերուն հետ հակամարտութեան խաղաղ կարգաւորման խթանման նպատակով։

Բարեկեցութիւն եւ խաղաղութիւն կը մաղթեմ հայ ժողովուրդին»։