Հայաստանի Հանրապետութեան  Արտաքին գործոց նախարար Արարատ Միրզոյեան Սեպտեմբերի 21-ին ՄԱԿ-ի Գլխաւոր համախմբման 77-րդ նստաշրջանի ծիրին մէջ  Նիւ Եորքի մէջ հանդիպած է Ցեղասպանութեան կանխարգելման հարցերով ՄԱԿ-ի գլխաւոր քարտուղարի յատուկ խորհրդական Ալիս Վաիրիմու Նտերիթուի հետ։  Զրուցակիցները միտքեր փոխանակած են ցեղասպանութիւններու եւ մարդկութեան դէմ ուղղուած յանցագործութիւններու կանխարգելման գործին մէջ բարձր տեխնոլոկիաներու դերին  վերաբերեալ: 

Անդրադառնալով ատրպէյճանական զինուած ուժերուն կողմէ Հայաստանի ինքնիշխան տարածքին նկատմամբ սանձազերծուած ռազմական յարձակման հետեւանքով ստեղծուած իրավիճակին՝ նախարար Միրզոյեան զրուցակիցին ուշադրութիւն հրաւիրած է Ատրպէյճանի կողմէ միջազգային եւ մարդասիրական իրաւունքի շարունակական կոպտագոյն խախտումներուն վրայ։ Նախարարը շեշտած է այդ յանցագործութիւններուն վերաբերեալ միջազգային հանրութեան հասցէական արձագանգին ու անոնց կանխարգելման մեխանիզմներուն ամրապնդման կարեւորութիւնը։

Արեւմտեան Հայաստանը դրական կը գնահատէ Արեւելեան Հայաստանի այս քայլերը, սակայն կը յիշեցնենք, որ Արցախեան 44-օրեայ պատերազմը Արցախի բնիկ տարածքին մէջ՝ ցեղասպանութեան շարուակութիւնն է, այն ցեղասպանութեան, որ 1900-ականներուն տեղի ունեցաւ Արեւմտեան Հայաստանի բնիկ տարածքներուն մէջ՝ բնիկ ազգին՝ հայուն հանդէպ, որուն համար մինչեւ օրս ինքզինք Օսմանեան Թուրքիոյ իրաւայաջորդ յորջորջող Թուրքիա պատասխանատւութեան չէ ենթարկուած եւ կը շարունակէ բառնազաւթուած պահել Հայաստան պետութեան զգալի հատուածը: Նոյնը կատարուեցաւ 2020-ին, երբ թուրք-ատրպէյճանական դաշինքը յարձակեցաւ Արցախի վրայ, սպաննելով ինչպէս զինուորականներ, այնպէս ալ քաղաքացիական անձեր:

Leave a Reply