Արեւմտեան Հայաստանի պետական հեռուստակայանի եթերով Շուշի հայրենակցական միութեան նախագահ, պատմաբան Աշոտ Յարութիւնեան ներկայացուց իր տեսակէտը՝ ռուս-ուքրանական պատերազմական գործողութիւններուն վերաբերեալ, որ պատճառահետեւանքային  կապ ունի նաեւ Արեւելեան Հայաստանի հանդէպ սանձազերծուած վերջին պատերազմին հետ: Ան նշեց, որ ռազմական այն հնարքները, որոնք այժմ Ուքրանիա կը կիրառէ պատերազմի ընթացքին, անոնք հայերու կողմէ մշակուած միջոցներ են, եւ կիրառուած են ինչպէ՛ս Արեւմտեան Հայաստանի, այնպէ՛ս ալ Արցախեան առաջին պատերազմի ժամանակ: Այս է պատճառը, որ Ուքրանիա կը դիմակայէ Ռուսիոյ նման գերհզօր պետութիւնը:

Անդրադարձ կատարեց նաեւ հայկական բանակին մէջ տակաւին 1990-ականներուն ներդրուած ռուսական բանակի մոտելին, որ ըստ պատաբանին, չի համապատասխաներ հայկականին, եւ մեր բանակը պէտք է մշակէ եւ ունենայ սեփական մոտելը, որ լաւագոյնս պիտի արդարացնէ  ինքզինք այս տարածաշրջանին մէջ: