Միացեալ ազգերոու կազմակերպութեան Մարդու իրաւունքներու խորհուրդին մէջ Սեպտեմբերի 21-ին Համաշխարհային Աւետարանչական դաշինքը կոչ ուղղած է միջազգային հանրութեան յարգել Մարաղայի կոտորածի զոհերու յիշատակը՝ պահելով ցեղասպանութեան յանցագործութիւնը կանխելու եւ պատժելու իր բազմաթիւ խոստումները: Համաշխարհային Աւետարանչական դաշինքը միջազգային հանրութեան ուղղած յայտարարութեամբ կը ցանկայ ոգեկոչել Արցախեան առաջին պատերազմի ժամանակ Լեռնային Ղարաբաղի Մարաղա գիւղին մէջ քրիստոնեայ հայերու կոտորածի 30-ամեակը։ 

«1992 թուականի Ապրիլի 10-ին Ատրպէյճանի զինուած ուժերը գրաւած էին 4000 բնակչութեամբ այս փոքրիկ գիւղը, որուն գրեթէ բոլոր բնակիչները քրիստոնեայ հայեր էին։ Մարաղայի ջարդը ողբերգական օրինակ է, թէ ինչպէս ցեղային եւ կրօնական ինքնութիւնները կը շահագործուին արդի աշխարհին մէջ: Մենք կոչ կ’ուղղենք միջազգային հանրութեան յարգել Մարաղայի զոհերու յիշատակը՝ պահելով ցեղասպանութեան յանցագործութիւնը կանխելու եւ պատժելու իր բազմաթիւ խոստումները»,- նշուած է յայտարարութեան մէջ:

Արեւմտեան Հայաստանի նախագահ Արմենակ Աբրահամեան, Ատրպէյճանի կողմէ  Մարղայի մէջ իրագործուած ցեղասպանութեան վերաբերեալ փաստերը եւ Արեւմտեան Հայաստանի այլ շրջաններու կոտորածները ընդհանուր փաթեթով կը ներկայացնէ միջազգային հանրութեան: Մենք յոյս կը յայտնենք,որ այս մէկն իր արդիւնքը պիտի տայ, եւ պատիժներ պիտի կիրառուին բռնազաւթիչ Թուրքիոյ եւ Ատրպէյճանի նկատմամբ: