Ֆրանսայի Սենատի նախագահական ընդունելութիւններու սրահին մէջ Սեպտեմբերի 20-ին Սենատի՝ Լեռնային Ղարաբաղի հարցով միջազգային տեղեկատուական խումբի նախագահ, սենատոր Պրունօ Ռըթայոյի եւ Ֆրանսայի մէջ Հայաստանի դեսպանութեան նախաձեռնութեամբ տեղի ունեցած է Արցախին նուիրուած համաժողով, որուն ընթացքին ներկայացուած է «Լեռնային Ղարաբաղ. Սեւ գիրք» աշխատութիւնը։ Միջոցառումը տեղի  ունեցած է Սենատի նախագահ Ժերար Լարշէի բարձր հովանիին ներքոյ։

Համաժողովին բացման խօսքով հանդէս եկած է սենատոր Պրունօ Ռըթայօ, որ համերաշխութիւն յայտնած է Արցախի Հանրապետութեան, ինչպէս նաեւ Հայաստանին՝ մասնաւորապէս դատապարտելով Արեւելեան Հայաստանի ինքնիշխան տարածքին նկատմամբ Ատրպէյճանի վերջին պատերազմական յարձակումը, ինչպէս նաեւ ընդգծելով Ֆրանսայի եւ Եւրոպայի կողմէ, Հայաստանին աջակցութիւն ցուցաբերելու հրատապ անհրաժեշտութիւնը։

Այնուհետեւ տեղի ունեցած է կլոր-սեղան քննարկում՝ «Լեռնային Ղարաբաղ. Սեւ գիրք» աշխատութեան հեղինակներուն մասնակցութեամբ։ 

Միջոցառումը եզրափակուած է Սենատի նախագահ Լարշէի ուղերձով, որ միջոցառման մասնակիցներուն ներկայացուցած է Սենատի արտաքին յարաբերութիւններու յանձնաժողովի նախագահ Քրիստիան Քամպոն։