Սեպտեմբերի 22-ին Նիւ Եորքի մէջ ՀՀ ԱԳ նախարար Արարատ Միրզոյեան մասնակցած է Հնագոյն քաղաքակրթութիւններու ժողովի նախարարական հանդիպման եւ

հանդէս եկած ելոյթով, ուր մասնաւորապէս նշած է.

«Մեծարգոյ ներկաներ, ինծի համար մեծ պատիւ է մասնակցիլ Հնագոյն քաղաքակրթութիւններու ժողովի նախարարական հանդիպման: Մենք յանձնառու ենք աշխոյժ կերպով աջակցելու եւ նպաստելու միջմշակութային երկխօսութեան, փոխադարձ ըմբռնման եւ փոխհամաձայնութեան ամրապնդման ուղղուած համատեղ ջանքերուն:

Ճիշդ այս պահուն, 2020 թուականի պատերազմէն ետք ատրպէյճանական վերահսկողութեան տակ անցած Արցախի տարածքներուն մէջ Ատրպէյճան կ’ոչնչացնէ հայկական մշակութային ժառանգութիւնը: Ատրպէյճան կը ցանկայ ժխտել հայկական ժառանգութեան գոյութիւնն անգամ։

Ատրպէյճանի կողմէ մշակութային ժառանգութեան կոթողներու միտումնաւոր ոչնչացումը մարտահրաւէր է ոչ միայն Հայաստանի, այլեւ՝ ողջ մարդկութեան համար, եւ այն պէտք է խստօրէն դատապարտուի եւ հասցէագրուի: Այս առումով մենք բարձր կը գնահատենք Արցախի մէջ անկախ փորձագիտական առաքելութիւն ուղարկելու ԵՈՒՆԷՍՔՕ-ի առաջարկը, որուն իրականացման մինչեւ օրսկը խոչընդոտէ Ատրպէյճան։

Յոձսով ենք, որ մեր համատեղ ջանքերն ու նուիրուածութիւնը թոյլ պիտի տան մեզի հետամուտ ըլլալ մեր պարտաւորութիւններուն եւ ա՛լ աւելի ամրապնդել մեր կապերն ու համագործակցութիւնը»:

Ցաւալի է, երբ միջազգային նման հարթակի վրայ խնդիրները խորքային եւ փաստարկուած չեն ներկայացուիր հայ դիւանագէտներու կողմէ։ Առաւել խորքային անդրադառնալու համար նախ Պարոն Միրզոյեան պէտք է ներկայացնէր Թուրքիոյ կատարած մշակութային ոճրագործութիւնները Արեւմտեան Հայաստանի մէջ, այնուհետեւ այն կապէր թուրք-ատրպէյճանական դաշինքի գործողութիւններուն՝ արդէն 2020 թուականի պատերազմէն ետք՝ Արցախի մէջ։ Դիւանագիտութեան լեզուն շատ խոր է, եւ Արեւմտեան Հայաստանը յոյս կը յայտնէ, որ այն պիտի կարողանան օգտագործել յանուն Հայաստան պետութեան։