Վարչապետ Նիկոլ Փաշինեան Նիւ Եորքի մէջ` ՄԱԿ-ի Գլխաւոր համախմբման 77-րդ նստաշրջանի ծիրին  մէջ, հանդիպում  ունեցած է ԱՄՆ Արտաքին գործոց նախարար Էնթընի Պլինքընի հետ:

Վարչապետն անդրադարձած է Ատրպէյճանի կողմէ Հայաստանի ինքնիշխան տարածքին նկատմամբ ձեռնարկուած լայնածաւալ յարձակման` կարեւորելով տեղի ունեցածին վերաբերեալ ԱՄՆ-ի կողմէ հնչեցուող յստակ դիրքորոշումներն ու գնահատականները: ՀՀ կառավարութեան ղեկավարը բարձր  գնահատած է անձամբ պարոն Պլինքընի ջանքերը` բանակցային գործընթացին ու երկխօսութեան աջակցելու ուղղութեամբ: Նիկոլ Փաշինեան կարեւորած է նաեւ միջազգային հանրութեան կողմէ  ատրպէյճանական գործողութիւններու դատապարտման, ՀՀ ինքնիշխան տարածքէն ատրպէյճանական ստորաբաժանումներու դուրս բերման, ատրպէյճանական կողմին մօտ պահուող հայ ռազմագերիներու վերադարձի ապահովման եւ մարդասիրական այլ խնդիրներու ուղղութեամբ համարժէք արձագանգի կարեւորութիւնը: Էնթընի Պլինքըն ընդգծած է ԱՄՆ պատրաստակամութիւնը` շարունակելու ջանքերը բանակցային ու խաղաղ գործընթացին, կարեւորելով Լեռնային Ղարաբաղի հակամարտութեան համապարփակ եւ երկարատեւ կարգաւորման անհրաժեշտութիւնը, այդ թուին` ԼՂ ժողովուրդին համար: ԱՄՆ Արտաքին գործոց նախարարը կարեւորած է Նիւ Եորքի մէջ Հայաստանի եւ Ատրպէյճանի ԱԳ նախարարներուն հետ եռակողմ հանդիպումը եւ յոյս յայտնած, որ երկխօսութիւնը յառաջիկային եւս պիտի շարունակուի:

Արեւմտեան Հայաստանը հետեւողականօրէն կը վերահսկէ Հայաստան պետութեան դիւանագիտական ճակատը, եւ ըստ անհրաժեշտութեան պիտի արձագանգէ միջազգային հարթակներու վրայ Արեւելեան Հայաստանի կատարած  քայլերուն։