Ֆրանսայի նախագահ Էմմանուէլ Մաքրոն եւ Ատպէյճանի նախագահ Իլհամ Ալիեւ հեռախօսազրոյց ունեցած են, որուն ընթացքին Ֆրանսայի նախագահը յիշել տուած  է Հայաստանի տարածքային ամբողջականութիւնը յարգելու իր պահանջը։

Այս լուրը յայտնած է Ֆրանսայի նախագահական պալատը: Ըստ աբիւրին, այս զրոյցը յաջորդած է Սեպտեմբերի 26-ին նախագահական պալատին մէջ ՀՀ վարչապետ Նիկոլ Փաշինեանի եւ Ֆրանսայի նախագահ Էմմանուէլ Մաքրոնի հանդիպման եւ տեղի ունեցած է ֆրանսական կողմի նախաձեռնութեամբ։

«Ֆրանսայի նախագահը կրկնած է ատրպէյճանցի գործընկերոջ ուղղուած իր կոչը՝ վերադառնալ հրադադարին եւ ուժերը պահել իրենց սկզբնական դիրքերուն վրայ։ Վերջին օրերու բախումներուն հետեւանքով կան բազմաթիւ  զոհեր։ Ան նաեւ յիշել տուած է իր պահանջը՝ յարգել Հայաստանի տարածքային ամբողջականութիւնը»,- նշուած է նախագահական պալատի տարածած յայտարարությեան մէջ:

Մաքրոն նաեւ տեղեկացուցած է Ալիեւին ՀՀ վարչապետ Փաշինեանի՝ չլուծուած հարցերուն շուրջ բանակցութիւնները շարունակելու պատրաստակամութեան մասին։ Ֆրանսայի նախագահն ընդգծած է այդ բանակցութիւններուն նպաստելու Ֆրանսայի պատրաստակամութիւնը։

Արեւմտեան Հայաստանը բարձր կը գնահատէ Ֆրանսայի նախագահ Էմմանուէլ Մաքրոնի կողմէ կատարուած քայլերը, ուր մշտապէս կը զգացուի հայ-ֆրանսական բարեկամութիւնը։ Այժմ նախագահ Արմենակ Աբրահամեան եւ ԱԳ նախարար Լիտիա Մարկոսեան նոյնպէս սկսած են սերտ փոխգործակցութիւն  սենատի անդամ Պրիժիթ Թերեզայի հետ, ուր կը քննարկուին Հայաստան պետութեան վերաբերող հարցերը։