Քարտէզներու վերանայման քաղաքականութիւնը պիտի ձախողի: Այսպէս յայտարարած է Յունաստանի Արտաքին գործոց նախարար Նիկոս Տենտիաս Երեւանի մէջ ՀՀ ԱԳ նախարար Արարատ Միրզոյեանի հետ համատեղ մամլոյ համար յայտարարութեան մէջ: 

«Յունաստանը շատ անգամներ շեշտած է, որ կ’աջակցի բոլոր պետութիւններու ինքնիշխանութեան ու տարածքային ամբողջականութեան, եւ այդ մէկը, ի հարկէ, նաեւ կը վերաբերի  մեր լաւ ընկեր Հայաստանին: Մենք կը հաւատանք սահմաններու անքակտելիութեան»,- ըսած է Տենտիաս:

Ան  նշած է այն հանգամանքը, որ  քանի մը օր առաջ Հայաստանի տարածքը կը ռմբակոծուէր ատրպէյճանական ուժերու կողմէ: Ան Յունաստանի համերաշխութիւնը յայտնեց Հայաստանի  կառավարութեան եւ ժողովուրդին:

ԱԳ նախարարները Երեւանի մէջ քննարկած են նաեւ Կովկասի մէջ անվտանգութեան մարտահրաւէրը:

Արևմտեան Հայաստանը մշտապէս բարձր գնահատած է յոյն ժողովուրդի պատրաստակամութիւնը հայերուն աջակցելու հարցին մէջ։ Արեւմտեան Հայաստանի բնիկ տարածքներուն մէջ նաեւ յոյներ ապրած են, որոնք հայերու հետ կիսած են իրենց մշակոյթն ու հայկական պատմութեան մէկ մասնիկը դարձած են։