Ֆրանսական «Le Figaro» պարբերականի փոխտնօրէն Ժան-Քրիստոֆ Պուիսոն թուիթըրեան գրառում  կատարած է, անդրադառնալով ընկերային կայքերու վրայ շրջանառուող տեղեկութեան, ըստ որուն՝ ԱՄՆ Քոնկրէսին մէջ կը քննարկուի Հայաստանին զէնք վաճառելու հարցը։ 

«ԱՄՆ-ը կը ծրագրէ զէնք մատակարարել Հայաստանին՝ պաշտպանուելու ատրպէյճանաթուրքերէն, որոնք կը սպառնան անոր նոր ռազմական յարձակումով։ Իսկ Ե՞Մ-ը, իսկ Ֆրանսա՞»,- հարց բարձրացուցած է Պուիսոն:

Նշենք, որ 1991 թուականէն ի վեր առաջին անգամ ըլլալով ԱՄՆ իշխանութիւնները, Քոնկրէսին մէջ երկկուսակցական դաշինքի ճնշման ներքոյ, կը քննարկեն Հայաստանին զէնք վաճառելու հարցը: Հարցը կը քննարկուի Ատրպէյճանի կողմէ (Թուրքիոյ աջակցութեամբ) յարձակումէն եւ ցեղային զտումներէն պաշտպանուելու համար:

Արեւմտեան  Հայաստանը դրական կը գնահատէ այն բոլոր քայլերը, որոնք կը միտին օգնել Արեւելեան Հայաստանին այս դժուարին իրավիճակի յաղթահարման համար։ Պէտք է ոչ միայն զինել բանակը, այլեւ պատրաստել մարտիկները եւ ոգեշնչել զանոնք՝ սնելով այնպիսի գաղափարներով, որոնք չեն աւարտիր ներկայիս փոքրիկ Արեւելեան Հայաստանով, այլ պէտք է զանոնք պատրաստել Հայաստան պետութեան մեծ տարածքները ազատագերելուն եւ պաշտպանելուն։