Պինկէօլի Քարլըօվա գաւառի Լիճք գիւղին մէջ 5 ամիս շարունակուող ծառահատումները լուրջ սպառնալիք են տարածքի բնապահպանական համակարգին համար։

Կառավարութեան կողմէ բազմաթիւ շրջաններու մէջ բնութեան թալանին զուգընթաց,   Պինկէօլի, Տերսիմի եւ Շըրնաքի մէջ կը շարունակուի ծառերու կոտորածը: Շըրնաքի Պեսթա շրջանին մէջ եւ Ճուտի ու Կապար լեռներու տարածքին զինուորներու հսկողութեան տակ գտնուող  կամակատարներու ձեռքով ծառերու ոչնչացումը օր օրի աւելի մեծ թափ կը հաւաքէ։

Տերսիմի Հոզաթ գաւառի Շամոշի եւ Զոկար գիւղերու մերձակայ տարածքներու ծառերը, որոնք անցեալ տարի այրած էին այսպէս կոչուած՝ «զինուորական գործողութեան» անհրաժեշտութեամբ, այս տարի ալ 4 ամիս շարունակ կը հատուին «վերականաչապատման» պատրուակով։

Արեւմտեան Հայաստանը արդէն բաւական երկար ժամանակէ ի վեր կ’ահազանգէ բնապահպանական այս խնդիրին մասին, որուն գլխաւոր մեղաւորը Թուրքիա է։ Այս պետութիւնը, բացի անկէ, որ բռնազաւթած է Արեւմտեան Հյաստանի տարածքները, նաեւ շատ մեծ վնաս  կը հասցնէ տեղի բնութեան, բնութեան տարրերը գերօգտագործման տանելով։ Այս լրջագոյն խնդիրը պէտք է լուծում ստանայ հնարաւորինս շուտ։