Երեւանեան գրասենեակին մէջ տեղի ունեցաւ «Արեւմտեան Հայաստանի մարտահրաւէրները» խորագիրը կրող գիտաժողովը։ 

Յիշեցնենք, որ երկրորդ օրն է, որ կը շարունակուի գիտաժողովը, որ կ’ընթանայ բանախօսներու կողմէ յստակ հարցի արծարծմամբ ու բուռն քննարկումներով։ 

Երկրորդ օրը ողջոյնի խօսքով հանդէս եկաւ Արեւմտեան Հայաստանի Հանրապետութեան Ազգային ժողովի նախագահ Նելլի Յարութիւնեան, շնորհակալութիւն յայտնելով գիտաժողովի ներկաներուն՝ մասնակցութեան համար։

Այնուհետեւ բանախօսեց Արեւմտեան Հայաստանի Հանրապետութեան նախագահ Արմենակ Աբրահամեան՝ ելոյթին  առաւել յստակ եւ հասցէական ուղղութիւն տալով, նշեց որ հայրենիքի ամբողջականութեան պահպանութիւնն է իրական դիմադրութիւնը։ Այս պահուն առաւել քան երբեք անհրաժեշտ է միասնական ըլլալ, գտնել խնդիրները եւ անոնց համապատասխան լուծումներ տալ։ Կարեւորեց նաեւ գիտաժողովներու ընթացքին  որեւէ հարցի շուրջ քննարկումներու կազմակերպումն ու անոնց մասին խօսիլը, սակայն յստակեցուց, որ անկէ առաւել կարեւոր է այդ քննարկումներու արդիւնքը, քանի որ ան այդ արդիւնքին վրայ պէտք է աշխատանք տանի։

Բանախօսութեամբ հանդէս եկան նաեւ Ազգային ժողովի շարք մը պատգամաւորներ եւ գիտաժողովի յատուկ հիւրեր, որոնց Արեւմտեան Հայաստանի պետական հեռուստակայանը պիտի անդրադառնայ յառաջիկայ օրերուն։