Հարաւային Կովկասի մէջ եւ Վրաստանի ճգնաժամի հարցերով ԵՄ յատուկ ներկայացուցիչ Թոյվօ Քլաար անդրադարձած է Սեպտեմբերի 28-ի երեկոյեան ատրպէյճանական հերթական սադրանքին, որուն հետեւանքով զոհուած է 3 հայ զինուորական ծառայող:

Քլաար թուիթըրեան գրառում կատարած է իր էջին:

«Այսօր կրկին տեղեկութիւններ ստացուած են 3 հայ զինուորական ծառայողի սպանութեան եւ մէկ ատրպէյճանցի զինուորականի վիրաւորուելուն մասին։ Այս եւ շատ այլ չարդարացուած զոհեր կը սնուցեն ատելութիւն եւ անկայունութիւն»,- նշած է Քլաար:

Ըստ անոր, անվտանգութիւնը իսկապէս հնարաւոր է միայն այն պարագային, եթէ սահմանները յարգուին, եւ զօրքերը իրար շատ մօտ չըլլան:

«Խաղաղութիւնը չի կրնար պարտադրուիլ»,- աւելցուցած է Քլաար:

Սեպտեմբերի 28-ին՝ ժամը 18:00-էն սկսեալ, Ատրպէյճանի զինուած ուժերու ստորաբաժանումները, ականանետերու եւ խոշոր տրամաչափի հրաձգային զինատեսակներու կիրառմամբ, կրակ բացած էին հայ-ատրպէյճանական սահմանի արեւելեան ուղղութեամբ տեղակայուած մարտական դիրքերուն ուղղութեամբ: Հայկական կողմը դիմած էր պատասխան գործողութիւններու: Ատրպէյճանական սադրանքին հետեւանքով հայկական կողմն ունի 3 զոհ: 

Արեւմտեան Հայաաստանը  ցաւակցութիւն կը յայտնէ զոհուած զինուորներու ընտանիքներուն եւ հարազատներուն։ Յիշեցնենք, որ ատրպէյճանական կողմի յարձակումը պայմանաւորուած է Արեւմտեան Հայաստանի հարցի արդիականացմամբ։