ՀՀ Կրթութեան, գիտութեան, մշակոյթի եւ մարմնակրթութեան նախարար Վահրամ Դումանեան Սեպտեմբերի 29-ին զեկոյցով հանդէս եկած է ԵՈՒՆԷՍՔՕ-ի «Մշակութային քաղաքականութեան եւ կայուն զարգացման համաշխարհային համաժողով»ի «Ժառանգութիւնը եւ մշակութային բազմազանութիւնը ճգնաժամի ժամանակ»  նիստի ընթացքին:

Հարցը չափազանց կարեւոր է, եւ յաճախ կը պահանջէ միջազգային ներգրաւուածութիւն: Հայաստանի համար շատ կարեւոր է ներկայիս Ատրպէյճանի վերահսկողութեան ներքոյ գտնուող Արցախի տարածքներուն մէջ հայկական մշակութային ժառանգութեան պահպանման հարցը։ 

Արեւմտեան Հայաստանը կարեւորելով մշակոյթի դերը երկրի զարգացման եւ յառաջխաղացման գործին մէջ, առաւել կը կարեւորէ անոր պահպանումը։ Պէտք է ձեռնարկուին բոլոր քայլերը, որպէսզի ԵՈՒՆԷՍՔՕ խումբ ուղարկէ Արցախ, հետազօտելու եւ գրանցելու համար այն մշակութային կարեւոր կոթողները, որոնք մեր բնիկ հայրենիքին մէկ մասը կը կազմեն։ Ինչպէս նաեւ խումբ պէտք է ուղարկուի Ատրպէյճանի կողմէ բռնազաւթուած հայկական միւս տարածքները, քանի դեռ մեր մշակութային արժէքները ամբողջութեամբ չեն ոչնչացուած թուրք բարբարոսներու կողմէ։ Այո՛, այստեղ միանշանակ անհրաժեշտ է միջազգային ներգրրաւուածութիւն, եւ ամէն հնարաւոր տարբերակ պէտք է գործի դնել, անոնց ուշադրութիւնը այդ ուղղութեամբ հրաւիրելու համար։