Հայաստանի մէջ հաւատարմագրուած դիւանագէտները, միջազգային կառոյցներու ներկայացուցիչներն  այցելած են Գեղարքունիք մարզի Սոթք բնակավայր` ծանօթանալու համար Ատրպէյճանի զինուած ուժերուն կողմէ ՀՀ ինքնիշխան տարածքին նկատմամբ իրականացուած յարձակման հետեւանքներուն։

Դեսպաններուն ուղեկցող ՀՀ Տարածքային կառավարման ու ենթակառուցուածքներու նախարար Գնել Սանոսեան ըսած է, որ միայն Սոթքի մէջ 148 տուն  վնասուած է։ անոնցմէ  քանի մը հատին աւերակները արտասահմանցի դիւանագէտները հնարաւորութիւն  ունեցած են անձամբ տեսնելու։

Սոթք այցելած միջազգային դիւանագէտներու թուին են ՀՀ-ի մէջ ԵՄ դեսպան Անտրէա Վիքթորին, Հոլանտայի դեսպան Նիկոլաս Եակոպ Սխերմերս, Ռուսիոյ դեսպան Սերկէյ Քոփիրքին, ԱՄՆ փոխդեսպանը, ՄԱԿ-ի մշտական համակարգողի ժամանակաւոր պաշտօնակատարը եւ այլք:

Բացի Տարածքային կառավարման ու ենթակառուցուածքներու նախարար Գնել Սանոսեանէն բացի, պատուիրակութեան ուղեկցած են Գեղարքունիքի մարզպետ Կարէն Սարգսեան, ԶՈւ ԳՇ պետի տեղակալ, գեներալ-մայոր Առաքել Մարտիկեան։

Արեւմտեան Հայսաստանը բարձր կը գնահատէ Հայաստանի Հանրապետութեան մէջ հաւատարմագրուած օտարերկրեայ դեսպաններու քայլերը, քանի որ այս կերպով կը բարձրաձայնուի ատրպէյճանական կողմի ռազմական յանցագործութիւնները, որոնք իրականացուած են խաղաղ բնակչութեան նկատմամբ։