Իրաւունքի եւ արդարութեան կեդրոն «Թաթոյեան» հիմնադրամը պարզած է, որ «Google Map» եւ «Google Earth» յաւելուածներուն մէջ Հայաստանի Հանրապետութեան Սիւնիք մարզի շարք մը համայնքներու տեղանուններ նշուած են ատրպէյճաներէն ու ատրպէյճանական անուններով։ Ուսումնասիրութիւնները ցույց կու տան, որ անուանափոխուած եւ կեղծ կամ գոյութիւն չունեցող ատրպէյճանական անուններով  նշուած են դպրոցներ, այգիներ, հրապարակներ եւ այլն: Անգամ փորձ կատարուած է փոխել Սիսիան քաղաքի անունը:

Ակնյայտ է, որ տեղի ունեցածը ատրպէյճանական իշխանութիւններու միջամտութեամբ է: Ասով, նախ, փորձ կը կատարուի հոգեբանական ճնշումներու ենթարկել Հայաստանի ժողովուրդը եւ յատկապէս բնակավայրի բնակիչները:

Այդ կերպով կը փորձեն կեղծիքներով աշխարհին ներկայացնել, թէ իբրեւ Սիւնիք ատրպէյճանական է` ատրպէյճանական իշխանութեան բացարձակ կեղծ դրոյթը: Ի վերջոյ, փորձ կը կատարուի օրինականացնել ատրպէյճանական յարձակումները եւ յանցաւոր ներխուժումները ՀՀ ինքնիշխան տարածքին նկատմամբ:

Նմանատիպ մօտեցմամբ ատրպէյճաներէն  նշուած են նաեւ տեղանուններ Մեղրիի  եւ Կապանի մէջ։

Արեւմտեան Հայաստանը մշտապէս դէմ  արտայայտուած է հայկական տեղանուններու փոխարէն թրքական կամ ատրպէյճանական համանուն տարբերականերու օգտագործման, ասով հակազդելով սպիտակ ցեղասպանութեան, որ աւելի քան 100 տարիէ ի վեր կ’օգտագործէ թուրք-ատրպէյճանական դաշինքը Հայաստանի նկատմամաբ։ Սակայն այս պարագային խնդրայարոյց է, որ նմանատիպ գործողութիւններուն բացասական կերպով կը միջամտեն այնպիսի կառոյցներ ինչպիսիք են օրինակ «Google Map» եւ «Google Earth»։ ՀՀ-ը այս առնջութեամբ կրնայ դատ բանալ, իր բնակավայրերու անուանումները միտումնաւոր կերպով փոփոխութեան ենթարկելու համար, որովհետեւ  պէտք է ամէն փոքրիկ պարագայի պաշտպանել իրաւունքները, հակառակ պարագային թշնամին պիտի շարունակէ ոտնահարել զանոնք։