Ատրպէյճանական թելեկրամեան ալիքներուն վրայ տարածուած է  տեսանիւթ մը, ուր կ’երեւի, թէ ինչպէս ատրպէյճանցի զինուորական ծառայողները դաժանաբար կը գնդակահարեն հայ ռազմագերիները։ 

Համաձայն ՀՀ հաղորդած պաշտօնական տեղեկատւութեան՝ հայ ռազմագերիներու սպանութիւնը տեղի ունեցած է ատրպէյճանական զինուժի կողմէ  Սեպտեմբերի 13-ին Հայաստանի Հանրապետութեան ինքնիշխան տարածքին նկատմամբ սանձազերծուած լայնածաւալ յարձակման ընթացքին։ Փաստը հաստատուած է բազմաթիւ անհերքելի ապացոյցներով։

Արեւմտեան Հայաստանի կառավարութիւնը, Նախագահ Արմենակ Աբրահամեան խստօրէն կը դատապարտեն Ատրպէյճանի զինուած ուժերու կողմէ իրականացուած պատերազմական յանցագործութիւնները՝ մասնաւորապէս՝ խաղաղ բնակչութեան թիրախաւորումը, հայ ռազմագերիներու անմարդկային խոշտանգումները՝ հիմք ընդունելով նաեւ վերոնշեալ տեսանիւթը։

Արեւմտեան Հայաստանը կը ցաւակցի Ատրպէյճանի կողմէ սանձազերծուած պատերազմական գործողութիւններուն հետեւանքով զոհուած զինուորական ծառայողներու եւ քաղաքացիական անձերու ընտանիքներուն։

Արեւմտեան Հայաստանի կառավարութիւնը եւ նախագահը կը յայտարարեն, որ թուրք-ատրպէյճանական դաշինքի կողմեն պարբերաբար կրկնուող անօրինական վայրագութիւնները անպատիժ պիտի  չմնան եւ պիտի ստանան համարժէք պատասխան։