Ատրպէյճան երկրորդ անգամ ըլլալով կը հրաժարի կատարել հայ ռազմագերիները ազատ արձակելու իր խոստումը. Թուիթըրեան իր էջին  գրած է վարչապետ Նիկոլ Փաշինեան:

«Այս արդէն երկրորդ դէպքն է, երբ Ատրպէյճան  կը հրաժարի կատարել հայ ռազմագերիները ազատ արձակելու իր խոստումը։ Առաջին դէպքը եղած է Մայիսին, երբ Պրիւքսէլի մէջ խոստում տրուած էր, իսկ երկրորդը՝ հիմա, երբ Ուաշինկթընի մէջ Ատրպէյճան պարտաւորուած էր ազատ արձակել 17 հայ ռազմագերիներ մինչեւ Սեպտեմբերի 30-ը»,- գրած է վարչապետը:

Ատրպէյճան պարտաւոր է յարգել միջազգային համաձայնագիրները եւ վերադարձնել գերիները: Յիշեցնենք, որ գերեվարման վերջին դէպքին հետ կապուած Արեւմտեան Հայաստանի նախագահը հանդէս եկած էր յայտարարութեամբ, յայտնելով  իր  դիրքորոշումը: