Իրաւունքի եւ արդարութեան կեդրոն «Թաթոյեան» հիմնադրամի տնօրէն Արման Թաթոյեանի ֆէյսպուքեան գրառումը. «Հայաստանը պէտք է դիմէ Միջազգային քրէական դատարան` ճանչնալով դատարանի իրաւազօրութիւնը: Այն պէտք է ընել վայրկեան առաջ ՀՀ-ի դէմ Ատրպէյճանի այս յարձակման ու զանգուածային յանցագործութիւններու պայմաններուն մէջ: Ատրպէյճանի նախագահը, յատուկ ծառայութիւններն ու բանակի ղեկավարները (առաջնահերթ) պէտք է ենթարկել միջազգային քրէական պատասխանատւութեան ու պատիժի: Ասոնց միջազգային քրէական հետապնդումը պիտի ունենայ այս շարունակուող ցեղասպան քաղաքականութեան համար կանխարգելող նշանակութիւն: Քանի որ հարցը հիմա հրատապ է, այս պահուն կրնանք ճանչնալ Միջազգային քրէական դատարանի իրաւազօրութիւնը, յետագային կրնանք նաեւ վաւերացնել դատարանի կանոնադրութիւնը` լուծելով անհրաժեշտ պայմանները:

Ատրպէյճանի նախագահը պատերազմական յանցագործ է, որ պէտք է պատժուի  միջազգային հանրութեան կողմէ, հակառակ պարագային պէտք է յիշել որ հայ ազգին մէջ դեռ շատ են «Սողոմոն Թեհլերեանները»: