«Աշխարհը կրկին կը լռէ, կը  լռէ այնպէս, ինչպես 2020-ի 44-օրեայ պատերազմի ժամանակ»․ ֆէյսպուքեան ուղիղ եթերի ժամանակ  յայտարարած   է «Armenian National Association»ի  (Հայկական ազգային համախմբման) հիմնադիր ղեկավար Տոնալտ Ուիլսըն Պուշ։ Ան Վուտրօ Ուիլսընի ժառանգներէն է, կինն ազգութեամբ հայ է:

«Անցեալ շաբաթ ես նուազագոյնը 3 տեսանիւթ տեսած եմ, որոնք այս ամսուան սկիզբ Ատրպէյճանի կողմէ Հայաստանի վրայ յարձակման ժամանակ նկարահանուած են։ Այդ տեսանիւթերէն մէկն ահասարսուռ էր»,- ուղիղ եթերի ժամանակ յայտարարած է Ուիլսըն Պուշ։ Վերջինիս մտահոգած է այն հանգամանքը, որ հայամէտ դիրքորոշում ունեցող քոնկրէսականներու հիմնական մասը լռած է ամբողջ շաբթուան ընթացքին։ Ան կոչ ուղղած է հայերուն՝ միաւորուիլ եւ ճնշում գործադրել իրենց շահերը ներկայացնող քաղաքական գործիչներուն վրայ։  «Մենք հաղորդագրութիւն տարածած ենք ANA-ի անունով՝ այն մօտաւորապէս 535 քոնկրէսական գրասենեակներ  ուղարկուած է եւ Սպիտակ տուն։ Մենք այդ կոչով կը պահանջենք Միացեալ ազգերու կազմակերպութենէն՝ անմիջապէս խաղաղապահներ ուղարկել՝ պաշտպանելու Հայաստանի Սիւնիք մարզն ատրպէյճանական զորամիաւորումներու յարձակումներէն։ Երկրորդ պահանջն է՝ դադրեցնել Միացեալ Նահանգներու կողմէ Ատրպէյճանին տրուող աջակցութիւնը, երրորդը՝ սահմանել բոլոր հնարաւոր ու լայնածաւալ տնտեսական պատժամիջոցներ Ատրպէյճանի դէմ։  Չորրորդ՝ ետ կանչել ԱՄՆ դեսպանը Պաքուէն, եւ հինգերորդ պահանջը՝ վտարել ատրպէյճանական ողջ դիւանագիտական անձնակազմը Միացեալ Նահանգներէն, քանի դեռ ատրպէյճանական զինուժն ամբողջութեամբ դուրս չէ բերուած Հայաստանի միջազգայնօրէն ճանչցուած տարածքէն»,- յայտարարած է Տոնալտ Ուիլսըն Պուշ։

Արեւմտեան Հայաստանը դրական կը գնահատէ «Armenian National Association»ի հիմնադիր ղեկավար Տոնալտ Ուիլսըն Պուշի արձագանգը այս հարցին առնչութեամբ։ Վերահաստատելով այն փաստը, որ թուրք-ատրպէյճանական զօրքերը պէտք է դուրս գան Արցախի, Արեւմտեան Հայաստանի եւ Նախիջեւանի տարածքներէն։