ՀՀ Կրթութեան, գիտութեան, մշակոյթի եւ մարմնակրթութեան նախարարութեան աջակցութեամբ Հայաստանի ազգային գրադարանը Սեպտեմբերի 29-30-ը կազմակերպած է «Ժառանգութեան պահպանութիւն՝ յանուն կայուն ապագայի» խորագիրով միջազգային գրադարանային գիտաժողովը՝ նուիրուած Հայ գրատպութեան 510-ամեակին։

ՀՀ Կրթութեան, գիտութեան, մշակոյթի եւ մարմնակրթութեան նախարարի տեղակալ Արա Խզմալեան, ողջունելով մասնակիցները, բարձր  գնահատած է գիտաժողովի կազմակերպման կարեւորութիւնը՝ աւելցնելով, որ որպէս ազգային միաւոր՝ մենք այսօր տպագիր ժառանգութեան պահպանման, զարգացման ու տարածման գործին մէջ առաքելութիւն ունինք:

Գիտաժողովին մասնակցած են շուրջ մէկուկէս տասնեակ երկիրներու աւելի քան 100 ներկայացուցիչներ։

Գիտաժողովի նպատակն է Հայ գրատպութեան 510-ամեակի հանրահռչակումը, Հայաստանի ազգային գրադարանի միջազգային կապերու ընդլայնումը, միջազգային գրադարանային-տեղեկատուական փորձի ներդրումը եւ Անկախ Պետոութիւններու Համագործակցութեան երկիրներու գրադարաններուն միջեւ փոխադարձ կապերու ամրապնդումը։