ԱՄՆ Արտաքի գործոց նախարարութիւնը հաղորդագրութիւն տարածած է՝ անդրադառնալով Պայրամով-Միրզոյեան հանդիպման ու գերիներու վերադարձին։ Հաղորդագրութեան մէջ մասնաւորապէս ըսուած է.

«Արտաքին գործոց նախարար Էնթընի Պլինքըն այսօր եռակողմ ձեւաչափով զրուցած է Ատրպէյճանի Արտաքին գործոց նախարար Ճէյհուն Պայրամովի եւ Հայաստանի Արտաքին գործոց նախարար Արարատ Միրզոյեանի հետ։ Արտաքին գործոց նախարար Պլինքըն մեր երախտագիտութիւնը յայտնած է Հայաստանի ու Ատրպէյճանի կողմէ կայուն խաղաղութեան համաձայնագիրի ձեռքբերման ուղղութեամբ ձեռնարկուող դրական քայլերուն համար եւ ողջունած է Հոկտեմբերի 2-ին նախարարներու հանդիպումը:

Արտաքին գործոց նախարարը ողջունած է ռազմագերիներու ազատ արձակումը եւ վերահաստատած մեր յանձնառութիւնը՝ օգնելու Հայաստանին եւ Ատրպէյճանին լուծել խնդիրները խաղաղ ճանապարհով, եւ ընդգծել, որ դիւանագիտութիւնը միակ ճանապարհն է»։

Արեւմտեան Հայաստանի դիրքորոշումն այն է, որ Ատրպէյճան պարտաւոր էր վերադարձնել ռազմագերիները, եւ այն կատարուեցաւ նաեւ միջազգային լուրջ ճնշումներու ներքոյ։