«ONE Championship»ի մէջ ելոյթ ունեցող հայ մարտիկ Մարատ Գրիգորեան Սինկափուրի Քալան քաղաքին մէջ կայացած խառը մենամարտերի մրցաշարին մրցավարներու միաձայն որոշմամբ յաղթած է Թուրքիոյ ներկայացուցիչ Թայֆուն Օզքանին:

31-ամեայ Գրիգորեան իր մասնագիտական ճանապարհի ընթացքին մասնակցած է 79 մենամարտի, տարած 66 յաղթանակ, որմէ 34-ը՝ նոքաութով, կրած 12 պարտութիւն, 1 մենամարտ ալ աւարտած է հաւասար արդիւնքով: Հայ մարտիկը ելոյթ կ’ունենայ թեթեւ ու միջին քաշային կարգերուն մէջ:

Մարատ Գրիգորեան «ONE Championship» հեղինակաւոր կազմակերպութեան հետ պայմանագիր կնքած է 2020 թուականին:

Մարատ միջին քաշային բռնցքամարտիկ է, յայտնի է իր յարձակողական պայքարի ոճով եւ նոքաութներով։ 2016թ.-ի Դեկտեմբերի 29-ի դրութեամբ աշխարհի 5-րդ լաւագոյն թեթեւ քաշային մարզիկը  համարուած է։ Մարատ Գրիգորեան ծնած է 1991 թուականի Մայիսի 29-ին։ Կը մարզուի «Hemmers» Մարզասրահի մուայ թայի եւ բռնցքամարտի ակումբին մէջ։Ան  արժանիօրէն կը համարուի Հոլանտայի եւ  Պելճիքայի լաւագոյն աստղերէն մէկը 70քկ քաշային կարգին մէջ։ 19 տարեկանին ան դարձած է ամէնէն երիտասարդ մարտիկը, որ պայքարած է «Showtime» տիտղոսին համար։

Արեւմտեան Հայաստանը կը շնորհաւորէ հզօր հայորդին գեղեցիկ մրցապայքարին եւ թուրք մրցակիցին յաղթելուն առթիւ։