Կարնոյ դաշտը կը գտնուի Հայկական բարձրաւանդակին մէջ, Արեւմտեան Եփրատի վերին հոսանքի տարածքին։

Կարնոյ դաշտի հիմքին մէջ հրաբխածին եւ նստուածքային ապարներ են՝ ծածկուած լճագետային նստուածքներով։ Օգտակար հանածոներէն կան շատ շինանիւթեր՝ սեւ ածուխ եւ նաւթ, նաեւ  հարուստ է սառնորակ ու հանքային աղբիւրներով /ջերմուկներով/։ Այստեղ կլիման ցամաքային է՝ տաք ամառներով ու ցուրտ ձմեռներով։ Խոշոր գետը Արեւմտեան Եփրատն է։ Գետահովիտներուն եւ նախալեռնային ձորակներուն մէջ կան թփուտներ։ Կարին քաղաքէն դէպի հիւսիս զգալի տարածութիւններ կը գրաւեն եղեգնուտային ճահճուտները։