Վանը 20-րդ դարասկիզբը՝ ողջ հայութեան համար սրբազան բնօրրան կը համարուէր, ուր մօտ 3 հազար տարի անընդմէջ բնակած ու արարած են բնիկ հայերը: Ազգային-ազատագրական պայքարի տրամաբանութեան սկզբունքէն ելլելով, ճիշդ այստեղ պէտք է վեր խոյանար Հայոց նորաստեղծ պետականութեան ապագայ պտղաբեր ծառը: Լուսանկարին մէջ անկախ Վանի գաղափարախօսներն ու պաշտպաններն են. ձախէն աջ՝ Տիգրան Կողբեցի, Վանայ Իշխան (Նիկոլ Պօղոսեան), Մալխաս (Արտաշէս Յովսէփեան), Սալման (Համբարձում Բաղէշցեան), առջեւը՝ Վանայ Սարգիս (Բարսեղեան): Անոնք երիտասարդ էին ու լի աւիւնով, անկեղծ ու նուիրուած, բայց ցաւօք, ռուսական կայսերական հաշուարկներն ու նպատակները չհամընկան իրենց ազնիւ գաղափարներուն հետ, աւելին՝ ռուսական այդ կայսերական հաշուարկներն ու նպատակները մեծ դժբախտութիւն բերին հայ ժողովուրդին:  Հիմա, 100 տարի անց միայն, մենք կրնանք սթափ նայիլ մեր անցեալին, եւ հայեացք ուղղելով դէպի ապագան՝ վերջապէս իրատեսօրէն գնահատել այն, ինչ որ տեղի ունեցաւ ճիշդ մէկ դար առաջ:

Անոնք Արեւմտեան Հայաստանի անդաւաճան զաւակներն են, այն խիզախ զինուորները, որոնք պայքարած են յանուն հայրենիքի ազատութեան։ Այսօր երբ Արեւմտեան Հայասատանը ստեղծած է իր կառավարման համակարգը, մէկ քայլով աւելի մօտեցած է այն նպատակին՝ որ արդէն մէկ հարիւրամեակ Արեւմտեան Հայաստանի զաւակներու շուրթերուն է՝ հայրենիքի ազատագրումը։ Արեւմտեան Հայաստանի բոլոր բնիկները պէտք է վերադառնան իրենց բնիկ տարածքները եւ այդ որոշումը անքակտելի է։

Ամբողջական յօդուածը կարդացէք յղումով:

https://westernarmeniatv.com/hy/1658/eastern-armenian-վանի-անկման-առեղծվածը