Հայաստանի շախմատի տիկնանց խումբի անդամ Էլինա Դանիէլեան դարձած է Եւրոպայի ակումբային առաջնութեան յաղթող: Դանիէլեան Եւրոպայի ակումբային առաջնութեան կը մասնակցէր աւստրիական խումբին մէջ` «Asvoe Pamhagen»-ի մէջ: Ակումբի կազմին մէջ ընդգրկուած էին նաեւ Ուքրանիայէն Աննա Ուշենինա, Եուլիա Օսմակ, եւ Լեհաստանէն՝ Ալեքսանտրա Մալցեւսկա: «Asvoe Pamhagen» առաջնութեան ընթացքին տօնած է 5 յաղթանակ եւ միայն երկու հանգրուան աւարտած է հաւասար արդիւնքով: Երկրորդ տեղը գրաւած է ռումանիացի «ASE» խումբը, իսկ եռեակը կ’եզրափակէ Մոնթէ Քարլօն ներկայացնող համանուն խումբը: 

Արեւմտեան Հայաստանը կը շնորհաւորէ հայ մարզիկը հրաշալի յաղթանակին առթիւ, մաղթելով նորոնոր յաջողութիւններ։