1935 թ. Հոկտեմբերի 22-ին Փարիզի Վիլ Ժուիֆի հիւանդանոցին մէջ մահացաւ Կոմիտաս:

Հայ երգահան, երաժշտագէտ, ժամանակակից հայկական դասական երաժշտութեան հիմնադիր, Արեւմտեան Հայաստանի հաճարեղ զաւակ Կոմիտաս վարդապետ (Սողոմոն Սողոմոնեան) ծնած է 1869 թ-ի Սեպտեմբերի 26-ին Քէոթահիա կամ Կուտինա քաղաքը։ Անոր ծնողները աչքի կը զարնէին գեղեցիկ ձայնով։ Կոմիտաս նոյնպէս հիանալի կ’երգէր։ 

1890 թուականին Սողոմոն կը ձեռնադրուի որպէս սարկաւագ։ 1893թ-ին կ’աւարտէ ճեմարանը, ապա անոր կը շնորհուի աբեղայի աստիճան եւ կը տրուի 7-րդ դարու նշանաւոր բանաստեղծ Կոմիտաս կաթողիկոսի անունը։

Մանկավարժութեան զուգընթաց Կոմիտաս կը ստեղծէ երգչախումբ, ժողովրդական գործիքներու նվագախումբ, ժողովրդական երգեր կը մշակէ, գրելով իր առաջին ուսումնասիրութիւնները հայ եկեղեցական երաժշտութեան մասին։ 1895 թուականին Կոմիտաս ստացած է վարդապետի հոգեւոր աստիճան: Կոմիտասի կեանքի յետագայ իրադարձութիւնները կապուած են Պերլինի հետ, ուր ան կը մեկնի ուսանելու՝ թոշակ ստանալով հայ խոշոր նաւթարդիւնաբերող Ալեքսանտր Մանթաշեանէն: Կոմիտաս աշխարհի տարբեր երկիրներու մէջ հանդէս կու գար որպէս հայ երաժշտութեան կատարող:

1915 թուականի Ապրիլին  շարք մը նշանաւոր հայ գրողներու, հրապարակախօսներու, բժիշկներու, իրաւաբաններու հետ մէկտեղ կը ձերբակալուի նաեւ Կոմիտաս։ Խոշտանգումներով ուղեկցող բանտարկութենէն ետք ան կ’աքսորուի Արեւմտեան Հայաստանի խորքերը, ականատես ըլլալով հայ ժողովուրդի բնաջնջման։