Թուրքիոյ նախագահ Էրտողան, որ այցելած է հայկական բռնազաւթուած Ջրական եւ Կովսական ու մասնակցած օդակայանի բացման, յայտարարած է, որ Պաքու պէտք է փոխհատուցում պահանջէ Երեւանէն յարձակման համար։

Թուրքիոյ նախագահին լեզուէն ոչ ոք  քաշած էր փոխհատուցում բառը։ Երեւանի մէջ եթէ գոյութիւն ունենար ազգային իշխանութիւն, երկար ժամանակ առաջ Թուրքիոյ առջեւ պիտի դնէր 1920-ին ռուսերու հետ ՀՀ տարածքներու բռնազաւթման եւ 1921 թ․ ռուս-թրքական պայմանագիրներու հարցը, ու նախ պիտի պահանջէր փոխհատուցում՝ Նախիջեւանի, Կարսի, Արարատ լերան շրջանի վերադարձը Հայաստանին, ապա՝ Արեւմտեան Հայաստանի խնդիրը, միլիոնաւոր բնիկներու սպանութեան եւ սեփականութեան անօրինական օտարման դիմաց փոխհատուցման հարցը։