Եւրոպական միութիւնը մանրամասներ հրապարակած է Հայաստանի մէջ Ատրպէյճանի հետ սահմանին տեղակայուող դիտորդական առաքելութեան վերաբերեալ:

Յայտարարութեան մէջ նշուած է, որ  Հայաստանի մէջ ԵՄ վերահսկող կարողութիւնները պիտի իրականացնեն երկու հիմնական խնդիր, նախ՝ աջակցիլ Հայաստանին եւ Ատրպէյճանին միջեւ վստահութեան ամրապնդման` հետեւելով հրադադարին երկու կողմերու հաւատարմութեան, եւ երկրորդ, կանոնաւոր եւ ժամանակաւոր հաշուետւութիւններու միջոցով ԵՄ խումբը պիտի վերահսկէ իրավիճակը Հայաստանի եւ Ատրպէյճանի միջեւ սահմանամերձ շրջաններուն մէջ:

Այդ մէկը թոյլ պիտի տայ ԵՄ-ին աւելի լաւ աջակցիլ երկու կողմերու սահմանային յանձնաժողովներու աշխատանքին։ Հայաստանի եւ Ատրպէյճանի միջեւ միջազգայնօրէն ճանչցուած սահմանի հայկական կողմը պիտի տեղակայուին միայն քաղաքացիական դիտորդներ։ 

Յայտարարութեան մէջ նաեւ նշուած է, որ ԵՄ-ը սերտօրէն ներգրաւուած է երկու կողմերուն միջեւ խաղաղ գործընթացի ղեկավարման գործին մէջ։

Արեւմտեան Հայաստանը յոյս կը յայտնէ, որ ԵՄ-Հայաստանի Հանրապետութիւն այս ձեւաչափով համագործակցութիւնը անպայման արդիւնք պիտի տայ։

​​https://www.eeas.europa.eu/eeas/qa-eu-monitoring-capacity-armenia_en?fbclid=IwAR2ZZFeH1IAkBbYRMO8bn6MbM7tL-Gz6lPFH-WIWh9K-Y_9bDcviW5cecJw