«Ջաւախք» համոյթը կը նշէ հիմնադրման 22-րդ տարեդարձը: Խումբը հիմնադրուած է 2000 թուականի Հոկտեմբերի 22-ին Ալիք Քսպոյեանի կողմէ։ Սկզբնական շրջանին այն եղած է երգչախումբ, այնուհետեւ մէկ ամիս անց դարձած է պարի համոյթ։ Սկզբնական շրջանին այն կոչուած է ազգագրական, այդ շրջանին գլխաւորաբար ջաւախքեան պարեր  բեմադրած են:

2013 թուականին խումբը Թիֆլիսի մէջ կը ստանայ ժողովրդականի կոչում։

Խումբը տարիներ շարունակ մասնկացած է տարբեր մրցոյթներու, փառատօններու՝ թէ՛ երկրին մէջ, թէ՛ երկրէն դուրս։ Հանդէս եկած են եւրոպական եւ ռուսական բեմերու վրայ՝ գրաւելով պատուաւոր հորիզոնականներ։ 

Այս տարիներուն «Ջաւախք» համոյթի սաները պարի խմբակներ  բացած են Ախալքալաքի շրջանի գրեթւ բոլոր գիւղերուն մէջ։

Յիշեցնենք, որ բոլորովին վերջերս՝ Օգոստոսի 20-ին, Յունաստանի մէջ կայացած «Փարալիա 16-րդ պարի միջազգային» փառատօնէն համոյթը վերադարձաւ պատուաւոր առաջին հորիզոնականով։

Արեւմտեան Հայաստանը մեծ ուրախութեամբ կը շնորհաւորէ «Ջաւախք» համոյթը հիմնադրման 22-րդ տարեդարձին առթիւ, քանի որ պարը մշակոյթի պահպանման լաւագոյն տարբերակներէն մէկն է:

Ջաւախք, հանդիսանալով Հայաստան պետութեան մէկ մասնիկը, պէտք է շարունակէ զարգանալ՝ հիմնուելով հայապահպանութեան վրայ։