Ն.Ք. 7-րդ դարու բաւական մեծ կառոյցի աւերակներ  յայտնաբերուած են Երեւանի Կարմիր բլուրի տարածքի հնագոյն բնակավայրերէն մէկուն պեղումներու ժամանակ։

«Էրեբունի» պատմահնագիտական արգելոց-թանգարանի տնօրէն Միքայէլ Բադալեան գտածոն չափազանց կարեւոր կը համարէ ոչ միայն Հայաստանի, այլեւ ողջ Միջին Արեւելքի համար։

Միքայէլ Բադալեան նշած է, որ երեք վարկած կայ, թէ ինչ կրնայ թաքնուած ըլլալ հողի շերտերուն տակ` շուկայ, քարաւանատուն կամ թագաւորական ախոռ։ «Այդ կառոյցին նման Հայաստանի մէջ չկայ։ Այս քարէ շէնք է` սալարկուած յատակով։ Մենք ձի կապելու օղեր  յայտնաբերած են, ինչպէս նաեւ կենդանիներու ոսկորներ: Բացի անկէ, խոշոր հրդեհի հետքեր կան»,- ըսած է Բադալեան։

Բադալեան յիշել տուած է, որ Կարմիր բլուրն Ուրարտուի առեւտրա-տնտեսական կեդրոններէն մէկը եղած է, որ առեւտրային կապեր պահպանած է հարեւան երկիրներուն հետ։ Այստեղ յայտնաբերուած են հնագոյն բնակավայրերու մնացորդներ, այդ թուին` Ուրարտական Թէյշեբաինի բերդաքաղաքը։